பெரிய கோப்புகளை வெட்டவும் இணைக்கவும் இலவச மென்பொருள் GSplit

கணிணியில் பெரிய அளவிலான கோப்புகள் நிறைய வைத்திருப்போம். பென் டிரைவில் ஏற்றி வேறு எங்கேனும் கொண்டு செல்ல வேண்டும் என்று நினைத்தால் இடம் பத்தாது. இல்லையென்றால் டிவிடியில் எழுதி எடுத்துப் போகலாம் என்று நினைத்தாலும் இடமிருக்காது. இப்படித்தான் நண்பர் 5 GB அளவுள்ள படமொன்றைக் காப்பி செய்து டிவிடியில் எழுதித் தரச்சொன்னார். பென் டிரைவின் அளவோ 4 GB தான். வீடியோ கோப்பும் பல கோப்புகளாக இல்லாமல் ஒரே கோப்பாக 5 GB யில் இருந்தது. அப்போது தான் கோப்புகளை வெட்டி இரண்டு தடவையாக காப்பி செய்து பின்னர் இணைத்துக் கொண்டால் போயிற்று என்ற எண்ணம் வந்தது.

GSplitter என்ற இந்த மென்பொருள் பெரிய கோப்புகளை வெட்டவும் இணைக்கவும் பயன்படும் இலவச மென்பொருளாகும். இதன் மூலம் எந்த வகை கோப்பாக இருந்தாலும் அதனை வெட்டி பல துண்டுகளாகப் பிரிக்க முடியும். இதில் வெட்டப்படும் பகுதிகள் பீஸ் (Pieces) என்று அழைக்கப்படுகிறது. இதன் மூலம் Zip/rar கோப்புகள், படங்கள், இசை, பேக்கப் கோப்புகள், சிடியின் ஐஎஸ்ஓ வகை கோப்புகள், ஆபிஸ் கோப்புகள் என எல்லாவற்றையும் வெட்ட முடியும்.

வெட்டப்பட்ட துண்டுகளை இந்த மென்பொருளில் Unite என்ற வசதி மூலம் முதல் கோப்பை மட்டும் தேர்வு செய்து எளிதாக இணைக்கலாம். இதில் உள்ள Split Express என்ற வசதி மூலம் பெரிய கோப்புகளை விரைவில் பல துண்டுகளாகப் பிரிக்கலாம்.இதன் புதிய பதிப்பு Gsplit 3 பயன்படுத்த எளிமையாக உள்ளது.


மேலும் வெட்டப்படும் கோப்புகளின் பெயர்கள் எப்படி வரவேண்டும் எனக் கொடுக்கலாம். வெட்ட வேண்டிய பகுதிகளுக்கு அளவையும் (File Size) அமைக்கலாம். உதாரணமாக 500 Mb கோப்பிற்கு 100 Mb என்று அளவு கொடுத்தால் 5 கோப்புகளாக வெட்டப்படும்.


நன்மைகள் :

1.பெரிய கோப்புகளைப் பிரிப்பதன் மூலம் சிடி/டிவிடிகளில் எளிதாக காப்பி செய்யலாம்.

2.மின்னஞ்சல் அனுப்பும் போது வெட்டிய பகுதிகளை எளிதாக அனுப்பலாம்.

3.பென் டிரைவ் போன்ற கருவிகளில் எளிதாக ஏற்றலாம்.

4.பல இணையதளங்களில் விரைவாக அப்லோடு செய்து நண்பர்களுக்குப்
பகிரலாம்.

5.குறிப்பிட்ட இணையதளங்களில் கோப்புகளை அப்லோடு செய்ய அளவொன்றை
நிர்ணயம் செய்திருப்பார்கள். அந்த மாதிரி நேரங்களில் பிரித்து கொஞ்சம் கொஞ்சமாக தரவேற்றலாம்.

தரவிறக்கச்சுட்டி : Download Gsplit 3

ஏற்கனவே திருமணமானவர்கள் இந்த தளத்தைப்பற்றி அறிய நேர்ந்தால் கொஞ்சம் வருத்தப்படுவார்கள். அதிலும் சமீபத்தில் திருமணமானவர்கள் இந்த தள‌த்தை பார்த்தவுடனேயே அடடா முன்பே இந்த தளம் பற்றி தெரியாமல் போய்விட்டதே என்று நினைப்பார்க்ள்.

அதே நேரத்தில் விரைவில் திருமணம் செய்ய இருப்பவ‌ர்கள் ஆஹா இப்படி ஒரு சேவையை தான் எதிர்பார்த்துக்கொண்டிருந்தோம் என அகம‌கிழ்ந்து போவார்கள்.அதிலும் இமெயிலில் அழைப்புகளை அனுப்பும் பழக்கம் கொண்டவர்கள் நிச்சயம் மிகுந்த மகிழ்ச்சி அடைவார்கள்.

அப்படி என்ன விஷேசமான இணையதளம் என்று கேட்கிறீர்களா?

திரும‌ண‌ அழைப்பு த‌ள‌ம் என்ற வைத்துக்கொள்ளுங்க‌ளேன்.சுருக்க‌மாக‌ச்சொன்னால் திரும‌ண‌த‌ள‌ம்.அதாவ‌து திரும‌ண‌த்திற்கு ந‌ண்ப‌ர்க‌ளையும் உற‌வின‌ர்க‌ளையும் இண்டெர்நெட் மூல‌மே அழைப்ப‌த‌ற்காக‌ இணைய‌த‌ள‌த்தை அமைத்துகொள்ள‌ உத‌வும் த‌ள‌ம்.

திரும‌ண‌த்திற்கு சொந்த‌மான‌ இணைய‌த‌ள‌ம் என்ப‌து ந‌ல்ல‌ விஷ‌ய‌ம் தான்.ஆர‌ம்ப‌த்தில் இது புதுமையாக‌ ம‌ட்டுமே க‌ருத‌ப்ப‌ட்ட‌து.ஆனால் இப்போது அவ‌சிய‌மானதாக‌வும் ஆகிவிட்ட‌து.

எப்ப‌டியும் ம‌ண‌ம‌க்க‌ள் எல்லோருக்கும் இல்லாவிட்டாலும் ந‌ண்ப‌ர்க‌ள் ம‌ற்றும் ஹைடெக் உற‌வின‌ர்க‌ளுக்கு இமெயில் மூல‌ம் திரும‌ண‌ அழைப்பித‌ழை அனுப்பி வைக்கின்ற‌ன‌ர்.பெரும்பாலும் க‌ல‌யாண‌ ப‌த்திரிக்கையை ஸ்கேன் செய்து அனுப்பிவிடுகின்ற‌ன‌ர்.வ‌ருங்கால‌த்தில் இது மேலும் அதிக‌ரிக்க‌லாம்.

இப்ப‌டி ஸ்கேன் செய்த‌ ப‌த்திரிக்கையை அனுப்புவ‌தைவிட‌ அட்ட‌காச‌மாக‌ ஒரு இணைய‌த‌ள‌த்தை அமைத்து திரும‌ண‌த்தை க‌ம்பீர‌மாக‌ அறிவித்தால் எப்ப‌டி இருக்கும்.அழைப்பித‌ழ் ம‌ட்டும‌ல்ல‌ ம‌ண‌ம‌க்க‌ள் தொட‌ர்பான‌ அனைத்து விவ‌ர‌ங்க‌ள், திரும‌ண‌ம் தொட‌ர்பான‌ த‌க‌வ‌ல‌க‌ள் அனைத்தும் அட‌ங்கிய‌தாக‌ அந்த‌ த‌ள‌ம் இருந்தால் எப்ப‌டி இருக்கும்.

ந‌ன்றாக‌த்தான் இருக்கும்,ஆனால் இணைய‌த‌ள‌ வ‌டிவ‌மைப்பு ப‌ற்றி எதுவுமே தெரியாதே என்று நீங்க‌ள் நினைக்க‌லாம். அந்த‌ க‌வ‌லையே வேண்டாம்.உங்க‌ளுக்காக‌ திரும‌ண‌த‌ள‌த்தை அமைத்து த‌ருகிறோம் என்கிற‌து இன்வைட்டி த‌ள‌ம்.

திரும‌ண‌ அழைப்பிதழ் மாதிரிக‌ளை தேர்வு செய்வ‌துபோல‌ இந்த‌ த‌ள‌த்தில் திரும‌ண‌த‌ள‌த்திற்கான‌ வடிவ‌மைப்பை தேர்வு செய்து கொள்ள‌லாம்.அத‌ன்பிற‌கு ம‌ண‌ம‌க்க‌ளின் புகைப‌ட‌த்தோடு தேவையான‌ த‌க‌வ‌ல்க‌ளை இட‌ம்பெற‌ச்செய்து முழுவீச்சிலான‌ த‌ள‌த்தை உருவாக்கிகொள்ள‌லாம்.

அதோடு இந்த‌ த‌ள‌ம் ப‌ற்றி இமெயில் மூல‌மே அனைவ‌ருக்கும் தெரிவிக்க‌லாம்.இந்த‌ த‌ள‌மே அழைப்பித‌ழாக‌ இருக்கும்.

புகைப்ப‌ட‌ங்க‌ள், ம‌ண‌ம‌க்க‌ள் ச‌ந்தித்த‌வித‌ம் ப‌ற்றிய‌ சுவையான‌ தக‌வ‌ல்க‌ளையும் ப‌கிர்ந்து கொள்ள‌லாம்.அழைப்பாள‌ர்க‌ள் வாழ்த்து தெரிவிக்கும் வ‌ச‌தியும் உண்டு.திரும‌ண‌ம் தொட‌ர்பான‌ ம‌ற்ற‌ திட்ட‌ங்க‌ளையும் தெரிவிக்க‌லாம்.

திரும‌ண‌த்திற்கு பின் ம‌ண‌விழா புகைப்ப‌ட‌ங்க‌ளையும் இட‌ம்பெற‌ச்செய்ய‌லாம்.

இப்ப‌டி உருவாக்க‌ப்ப‌டும் த‌ள‌த்தை வெட்சைட் அதாவ‌து திரும‌ண‌ த‌ள‌ம் என்று இன்வைட்டி குறிப்பிடுகிறது.அன்றிய‌ அவ‌ச‌ர‌ யுக‌த்தில் திரும‌ண‌ அழைப்பை இண்டெர்நெட் மூல‌மே மேற்கொள்வ‌தைவிட‌ சிற‌ந்த‌ வ‌ழி வேறில்லை என்று சொல்லும் இந்த‌ த‌ள‌ம் அத‌னை சுல‌பமாக்கி த‌ந்துள்ள‌து.

அடிப்ப‌டை சேவை இல‌வ‌ச‌மான‌து. கூடுத‌ல் அம‌ச‌ங்க‌ள் தேவை என்றால் க‌ட்ட‌ண‌ம் செலுத்த‌ வேண்டும்.திருமணத்திற்காக‌ செல‌விட‌ த‌ய‌ங்காத‌ இந்திய‌ர்க‌ள் இத‌ற்கா அஞ்ச‌ப்போகிறார்க‌ள்.

இன்னொரு விஷ‌ய‌ம் .இந்த‌ சேவையை துவ‌க்கியிருப்ப‌து ஒரு இந்திய‌ நிறுவ‌ன‌மே.
—-http://www.invity.com/index.php

ஏர்செல்லின் புதிய வயர்லெஸ் சேவை Aircel wi-fi

---

தமிழக நிறுவனமான ஏர்செல் புதிய சேவையாக வயர்லெஸ் இண்டர்நெட் வசதியை அறிமுகப்படுத்தியிருக்கிறது. வயர்லெஸ் என்பது எந்த வயர் தொல்லையின்றி இணையத்தைப் பயன்படுத்துவது ஆகும். நாட்டின் எந்தவொரு இடத்திலும் 512 Kbps வேகமுள்ள பிராண்ட்பேண்ட் இணைய சேவையை இந்த வசதியின் மூலம் பெற முடியும். நகரின் முக்கிய இடங்களில் ஏர்செல் நிறுவியுள்ள பிராண்ட்பேண்ட் சேவையினை வயர்லெஸ் வசதி மூலம் யார் வேண்டுமானாலும் பெற முடியும். இந்த வசதியினை Smartphones, laptops, tablet pc, netbooks போன்ற கருவிகளில் ஏர்செல்லின் wi-fi Hotspot கள் இருக்குமிடத்தில் மட்டுமே பெறமுடியும்.

GPRS வசதியெனில் நம்மிடம் சிம் இருக்க வேண்டும். அதைப்போலவே ஏர்செல்லின் Poket Internet க்கும் சிம் தேவை. ஆனால் சிம் இல்லாமல் இவற்றை விட அதிக வேகத்தில் செயல்படக்கூடியது Wi-fi ஆகும். இந்த சேவை தற்போது சென்னை நகரில் குறிப்பிட்ட இடங்களில் அறிமுகப்படுத்தப் பட்டுள்ளது.

Aircel Wi-fi ஐப் பெறுவது எப்படி?

1.உங்கள் லேப்டாப்பில் அல்லது போனில் வயர்லெஸ் சேவையை
ஆன் செய்து கொள்ளவும்.
2.View Available wireless networks என்பதை டாஸ்க் பாரில் கிளிக் செய்து வரும் விண்டோவில் Refresh செய்து பார்க்கவும்.
3.ஏர்செல்லின் சேவையிருந்தால் ”AIRCEL_SPECTRANET” என்ற பெயரில் தோன்றும். அதைக் கிளிக் செய்து Connect செய்யவும்.
4.பின்னர் உங்கள் வலை உலவிக்குச் சென்று www.google.com என்று தட்டச்சிட்டால் இந்த இணைய சேவையைப் பயன்படுத்த புதிய பயனராக Sign up செய்வதற்கான பக்கம் வரும்.
5. உங்கள் மொபைல் எண்ணைக் கொடுக்கவும். பின்னர் உங்களுக்கான கடவுச்சொல் SMS மூலம் மொபைல் எண்ணுக்கு அனுப்பப் படும்.
6. கிடைத்த கடவுச்சொல்லை வலைப்பக்கத்தில் அடித்து Submit செய்தால் உங்கள் மொபைலிலிருந்து பணம் எடுத்துக்கொள்ளப்படும். பின்னர் நீங்கள் ஒரு மணி நேரத்திற்கு வயர்லெஸ் இணைய சேவையை பயன்படுத்த முடியும்.



கட்டணங்கள் :

ஏர்செல் அறிமுக வசதியாக இதனை மார்ச் 31 வரை இலவசமாக இந்த வசதியினைப் பெற்றுக் கொள்ள குறிப்பிட்டுள்ளது. அதற்குப் பின்னர் ஒரு மணி நேரத்திற்கு ருபாய் 15 வீதம் வயர்லெஸ் சேவையைப் பெற முடியும். இதற்கான கட்டணம் உங்கள் மொபைலிலிருந்து எடுத்துக் கொள்ளப்படும். மொபைலில் போதிய அளவு பணமில்லை என்றால் இந்த வசதியினைப் பெற முடியாது. தரவிறக்க அளவு 30 Mb ஆகும். இதற்கு மேல் தரவிறக்க வேண்டுமெனில் திரும்பவும் 15 ருபாய் கட்டணத்தில் பதிந்து கொள்ள வேண்டும்.


தற்போது ஏர்செல் wi-fi கிடைக்குமிடங்கள் :


Bharati Raja Hospital,#20, GN Chetty Road, Chennai, Tamil Nadu

Janapriya center(Big Bazaar-T.Nagar),34, Pondy Bazaar, T. Nagar, Chennai, Tamil Nadu

Indi Mall,132/33, Nelson Manickam Road, Chennai, Tamil Nadu

Vijay Park Inn,#170, Jawaharlal Nehru Salai, Arumbakkam, Chennai, Tamil Nadu

Pothys ,15, Nageswara Rao Road, T. Nagar, Chennai, Tamil Nadu

Malar Hospital,#52, 1st Main Road, Gandhinagar, Adyar, Chennai, Tamil Nadu

Quality Inn Sabari (T.Nagar),#29, Thirumalai Pillai Road, T.Nagar, Chennai, Tamil Nadu

Rayala Techno Park,144/7, Rajiv Gandhi Salai, Kottivakkam, Chennai, Tamil Nadu

Citi Centre (Purasaivakkam),232 (Old No.186), Purasawalkam High Road, Kilpauk, Chennai, Tamil Nadu

Country Inn Hotel Vaigai,# 3, Gandhi Irwin Road, Egmore, Chennai, Tamil Nadu

Ampa Mall,Block No.3 of No.173, Vada Agaram Village, Adjacent to the No. 1 P.H. Road, Chennai, Tamil Nadu

Ramachandra Hospital,#1, Ramachandra Nagar, Porur, Chennai, Tamil Nadu

Hotel Abu Palace,#926, Poonamalle High Road, Chennai, Tamil Nadu

Express Avenue,Club House Road, Mount Rd Chennai, Tamil Nadu

நன்றி : பொன்மலர் பக்கம்

ஒளிப்படங்கள், ஆபீஸ், வீடியோக்கள் எல்லாம் பார்க்க ஒரே மென்பொருள் Universal Viewer

---

கணினியில் ஒவ்வொரு வகையான வேலைகளுக்கும் ஒவ்வொரு மென்பொருளை பயன்படுத்துவோம். புகைப்படங்களைப் பார்க்க ஏதேனும் Image viewer மென்பொருள் , text கோப்புகளை பார்க்க Notepad, வீடியோ படம் பார்க்க ஏதேனும் Movie player , ஆபீஸ் கோப்புகளைப் பார்க்க MS Office , Pdf கோப்புகளைப் பார்க்க ஏதேனும் Pdf Viewer மென்பொருள் என்று தனித்தனியாக மென்பொருள்களைப் பயன்படுத்துவோம். ஒவ்வொன்றுக்கும் ஒவ்வொரு மென்பொருளா? இவை எல்லாவற்றையும் ஒரே மென்பொருளில் பார்க்க முடிந்தால் எவ்வளவு நன்றாக இருக்கும்.

இதற்கென்று இருக்கும் ஒரு மேம்பட்ட மென்பொருள் தான் Universal Viewer. இதன் மூலம் எல்லா வகையான மல்டிமீடியா மற்றும் ஆவணங்களை ஒரே மென்பொருளில் பார்த்துக் கொள்ள முடியும். இந்த மென்பொருள் பெரும்பாலான கோப்பு வகைகளை பார்க்கும் படி ஆதரிக்கிறது.


இதன் மூலம் பார்க்கக்கூடிய கோப்புகளும் வகைகளும்.

1. Text Files - txt, binary, hex, unicode, Rtf, Utf-8

2. Image files - bmp, jpg, tiff, png, gif and etc

3. Internet files - html, xml, pdf

4. Multimedia files - avi, mpg, mp3, wmv and etc

5. MS Office files - doc, docx, xls, ppt

இத்தனை வகையான கோப்புகளையும் ஒரே மென்பொருளில் பார்ப்பதனால் நேரமும் மிச்சமாகும். வேறு மென்பொருள்களை தேடி அலையவும் தேவையில்லை. இந்த மென்பொருளை Right click மெனுவில் வரும்படி வைத்துக் கொண்டால் பலவகையான கோப்புகளை எளிதாக விரைவாக திறந்து படிக்கலாம். பயன்படுத்த எளிமையான இந்த மென்பொருள் முற்றிலும் இலவசமானது.

தரவிறக்கச்சுட்டி : Download Universal Viewer


நன்றி : பொன்மலர் பக்கம்

அனைத்து சர்வதேச நாடுகளின் போன் குறியீட்டு எண்ணை கொடுக்கும் பயனுள்ள தளம்.

உலகின் எந்த நாட்டிற்கு நாம் phone-ல் பேச வேண்டுமோ அந்த

நாட்டு போன் குறியீட்டு எண்ணை கொடுப்பதற்காக எந்த
விளம்பரமும் இல்லாமல் பிரத்யேகமாக ஒரு தளம்
உருவாக்கப்பட்டுள்ளது இதைப்பற்றித்தான் இந்தப்பதிவு.

உலகின் அனைத்து நாட்களின் தொலைபேசி குறியீட்டு எண்ணை
கொடுப்பதற்கு பல தளங்கள் இருந்தாலும் நாம் அந்தத் தளத்திற்கு
சென்று தொலைபேசி குறியீட்டு எண்ணை கண்டுபிடிப்பது சற்று
சிரமமான ஒன்று தான். சிரமமே இல்லாமல் எந்த நாட்டின்
தொலைபேசி குறியீட்டு எண்ணையும் நொடியில் அறிந்து கொள்ள
வசதியாக நமக்கு ஒரு தளம் உதவுகிறது.