டேலி 9 மென்பொருள் முழுவதும் தமிழில் பயன்படுத்த...

டேலி பிரபலமான அக்கவுண்டிங் மென்பொருள் என்பது எல்லோருக்கும் தெரியும். நிறுவனமாக இருந்தாலும் தனிநபராக இருந்தாலும் அவரவர்களின் கணக்கு வழக்கு, வரவு செலவு போன்றவற்றை திறம்பட இதில் நிர்வகிக்கலாம். இந்தியாவில் அதிகமாக டேலி மென்பொருளைத் தான் பயன்படுத்துகின்றனர். மேலும் டேலி படிப்பிற்கு அதிக மவுசு உள்ளது. டேலியின் புதிய பதிப்பான 9 ஐ இந்திய மொழிகளிலும் பயன்படுத்தலாம்.

இது டேலி 9 கோல்டு வெர்சனின் 90 நாட்கள் மட்டும் பயன்படுத்த முடியும் என்றிருந்தது. ஆனால் இதை ஏமாற்ற நிறுவும் போது உங்கள் கணிணியின் தேதியை 30 வருடங்கள் முன்னே உள்ளே மாதிரி ( 2040 ) அமைத்துக்கொள்ளவும். இந்த மென்பொருளை நிறுவி முடித்ததும் கணினியின் தேதியை மறுபடியும் இன்றைய தேதிக்கு மாற்றிக்கொள்ளுங்கள். இதன் பின்னர் டேலி மென்பொருள் எப்போதும் போல தடையின்றி செயல்படும். இல்லையென்றால் RunAsDate என்ற மென்பொருளையும் பயன்படுத்தலாம்.

டேலியை நிறுவும் போது Country -> India/Saarc எனவும் Language-> Tamil எனவும் கொடுங்கள்.
நிறுவி முடித்தபின்னர் டேலியைத்திறந்தால் அறிவிப்பு ஒன்று வரும். அதை Esc கொடுத்து தவிர்த்தால் அதன் முகப்பு பக்கம் வரும்.
உங்களுக்கு வேண்டிய் மொழியை மாற்ற மெனுவில் Language அல்லது மொழி என்பதை தேர்வு செய்து மாற்றிக்கொள்ளலாம். இதில் தமிழ், தெலுங்கு, மலையாளம், கன்னடம், பஞ்சாபி, ஹிந்தி, மராத்தி போன்ற மொழிகள் உள்ளன். வேண்டிய மொழியை தேர்வு செய்தால் அந்த மொழிக்கு மாறி விடும்.



மேலும் இதில் உள்ள விசேசம் என்னவென்றால் விசைப்பலகை உள்ளீட்டுக்கான மொழி(Keyboard Layout Language). நீங்கள் விரும்பிய மொழியில் தட்டச்சிட்டுக் கொள்ளலாம். இதை மாற்ற மெனுவில் Keyboard அல்லது விசைப்பலகை என்பதை கிளிக் செய்து மாற்றிக்கொள்ளலாம். உதாரணமாக தமிழை தேர்ந்தெடுத்தால் Amma என தட்டச்சிட்டால் அம்மா என மாறிக்கொள்ளும். நீங்கள் கம்பெனியின் பெயரிலிருந்து பதிவேடுகள், பேரேடுகள் முழுவதும் தமிழிலேயே தட்டச்சிட்டு பயன்படுத்திக் கொள்ளலாம். தமிழிலேயே அறிக்கைகளை அச்சிட்டுப்பெறலாம்.


மேலும் Balance sheet, Trial Balance, Profit and Loss Account போன்ற அறிக்கைகளையும் தமிழில் பெறலாம்.

தரவிறக்கச்சுட்டி:
http://www.4shared.com/file/WlGi-lj5/Tallyinstall.html (16 Mb)

பழுதான சிடி/டிவிடியிலிருந்து ஆடியோ மற்றும் வீடியோவை மீட்க இலவச மென்பொருள்

இரண்டாம் நிலை சேமிப்புச்சாதனமான சிடி/டிவிடி என்பது நம்மிடம் உள்ள கோப்புகளை, படங்களை ஏனைய தகவல்களைப் பதிந்து வைக்க சிறந்த ஒன்றாகும். ஆனால் எதில் தான் சிக்கல் இல்லை? பதிந்த சிடிக்களை பத்திரமாக வைத்திருப்பது தான் பெரிய தலைவலி. சில நேரம் ஒரே இடத்தில் வைத்திருந்தால் கூட எப்படியாவது பழுதாவதற்கு வாய்ப்புகள் அதிகம் தான். சிடியின் தகவல் எழுதப்பட்ட பகுதியில் ஏதேனும் கோடுகள், சிராய்ப்புகள் (scratches) பட்டு நமது தகவல்கள் காணாமல் போய்விடும்.

ஆனால் முக்கியமான தகவல்கள் ஏதேனும் இருப்பின் பழுதடைந்த சிடியிலிருந்து தகவல்களை ஒரளவாக நல்ல நிலையில் எடுப்பதற்கு முயற்சிக்க வேண்டும். ஏற்கனவே எழுதிய பதிவொன்றில் பழுதான சிடி/டிவிடியிலிருந்து தகவல்களைப் பிரித்தெடுக்க இலவச மென்பொருள்கள் பற்றி குறிப்பிட்டிருந்தேன்.

அதைப்போல பழுதான சிடியிலிருந்து வீடியோ மற்றும் ஆடியோ கோப்புகளை மட்டும் பிரித்தெடுக்கும் இலவச மென்பொருள் தான் Get My videos Back . இந்த மென்பொருள் சிறப்பான முறையில் பெரும்பாலான தகவல்களை மீட்டுத்தருகிறது. (Recovering data) இதன் மூலம் வீடியோ மற்றும் ஆடியோ கோப்புகளை பழுதானவற்றிலிருந்து கணிணிக்கு சேமித்துக் கொள்ளலாம்.

Source என்பதில் பழுதான சிடியுள்ள இடத்தையும் Target என்பதில் எங்கு சேமிக்கப்பட வேண்டும் என்பதையும் தேர்வு செய்து Open start என்ற பட்டனை கிளிக் செய்தால் போதும். தகவல்களை மீட்டெடுக்கும் போது அதன் காப்பி செய்யும் செயல்பாட்டை நமக்கு காட்டுகிறது.

இந்த மென்பொருள் ஒரு கட்டற்ற சுதந்திர மென்பொருளாகும் (Open source). Avi, mkv, mp3 போன்ற முக்கிய வீடியோ வகைகளை இந்த மென்பொருள் ஆதரிக்கின்றது.
தரவிறக்கச்சுட்டி : Download Get My Videos Back

பெரிய பைலைப் பிரித்துப் பின் இணைக்க

பைல் ஒன்றை, இன்னொரு இடத்திற்கு அல்லது வேறு ஒரு கம்ப்யூட்டருக்குக் கொண்டு செல்ல திட்டமிடுகிறீர்கள். ஆனால் அது அளவில் மிகவும் பெரியதாக இருப்பதால், பிளாஷ் ட்ரைவ் அல்லது வேறு மெமரி சாதனங்களில் பதிய இயலவில்லை. அந்த வேளையில், பைலைப் பிரித்துப் பின் அவற்றை இன்னொரு கம்ப்யூட்டருக்கு ஒவ்வொன்றாகக் கொண்டு சென்று பதியலாம். அனைத்து பிரிவுகளும் பதியப்பட்ட பின்,மீண்டும் அதனை ஒரு பைலாக இணைக்கலாம். இதற்கு உதவிடும் புரோகிராமின் பெயர் HJSplit. இந்த புரோகிராம் இணையத்தில் இலவசமாக டவுண்லோட் செய்திடக் கிடைக்கிறது.
இந்த புரோகிராம் பைலின் அளவு 100 ஜிபி க்கும் மேலாக இருந்தால் கூட அதனைப் பிரித்துப் பின் இணைக்கிறது. இதனை நம் கம்ப்யூட்டரில் இன்ஸ்டால் செய்திடத் தேவை இல்லை. இணையத்தில் கிடைக்கும் இதன் ஸிப் பைலை டவுண்லோட் செய்து, HJSplit.exe என்ற இந்த பைலை, கம்ப்யூட்டரில் உள்ள ட்ரைவில் பதிந்திடவும்.
இந்த எக்ஸிகியூடிவ் பைலின் மீது டபுள் கிளிக் செய்து இயக்குங்கள். இப்போது கிடைக்கும் Split பட்டனில் கிளிக் செய்திடவும். அடுத்து கிடைக்கும் Input File என்ற பட்டனில் கிளிக் செய்திட வும். பின்னர், நாம் பிரிக்க விரும்பும் பைலைத் தேர்ந்தெடுக்க வசதி கிடைக்கும். பைலைத் தேர்ந்தெடுத்த பின்னர், Output என்ற பட்டனில் அழுத்தவும்.
அதன் பின்னர், எந்த ட்ரைவ் அல்லது போல்டரில், பிரிக்கப்படும் பைல்கள் சென்றடைய வேண்டும் என்பதைக் குறிப்பிடவும். பின்னர், இவை எந்த அளவில் பிரிக்கப்பட வேண்டும் அல்லது எத்தனை பைல்களாகப் பிரிக்கப்பட வேண்டும் என்பதனைத் தேர்ந்தெடுக்கலாம். அடுத்து Start பட்டனை அழுத்தவும்.
உடன் பைல் பிரிக்கும் வேலை மேற்கொள்ளப் படும். பைல் பிரிக்கப் படுவதனை, ஒரு பார் சட்டம் கீழாகக் காட்டும். நீங்கள் பிரிக்கும் பைலின் அளவைப் பொறுத்து இந்த பணி மேற்கொள்ளப்படும் காலம் அமையும். முடிவில், ஒரு சிறிய அறிவிப்பு தரப்படும். இதனை அடுத்து, நீங்கள் குறிப்பிட்ட ட்ரைவ் அல்லது போல்டரில், பிரிக்கப் பட்ட பைல் துண்டுகள் இருப்பதனைக் காணலாம். இந்த பைல்களுக்கான பெயரில் 001, 002 என இவை துணைப் பெயர்களைக் கொண்டிருப்பதனைக் காணலாம்.
பிரித்த பைல்களை இணைத்தல்: பிரித்த பைல்களை இணைப்பதுவும் எளிது. அவற்றை நீங்கள் கொண்டு செல்ல விரும்பும் கம்ப்யூட்டருக்குக் கொண்டு செல்லவும். மீண்டும் இதே HJSplit.exe பைலை இயக்கவும். File Join டயலாக் பாக்ஸ் காட்டப்படும். இப்போது Input File என்ற பட்டனில் அழுத்தவும். டயலாக் பாக்ஸில் 001 என்ற துணைப் பெயர் கொண்ட பைல் மட்டுமே காட்டப்படும். அந்த பைலைத் தேர்ந்தெடுக்கவும். தொடர்ச்சியான மற்ற பைல்கள் தானாகத் தேர்ந்தெடுக்கப்படும். எனவே பிரிக்கப்பட்ட பைல்கள் அனைத்தும் ஒரே போல்டரில் இருக்கு மாறு வைத்திடவும். அடுத்து Output பட்டனை அழுத்தி இணைக்கப்படும் பெரிய பைல் எங்கு பதியப்பட வேண்டும் என்பதனைக் குறிப்பிடவும். இவற்றை எல்லாம் முடித்த பின்னர், Start பட்டனை அழுத்தவும். இப்போது இணைக்கும் வேலை தொடங்கும். மீண்டும் ஒரு ஸ்டேட்டஸ் பார் ஒன்று கீழாகக் காட்டப்பட்டு எந்த அளவில் பிரிக்கப்பட்ட பைல்கள் இணைக்கப்பட்டுள்ளன என்று காட்டப்படும். பைல் துண்டுகள் இணைக்கப்பட்டவுடன், வேலை முடிந்துவிட்டதற்கான அறிவிப்பு செய்தி காட்டப்படும்.
இதற்கான HJSplit என்ற அப்ளிகேஷன் பைலைப் பெற http://www.hjsplit.org/ என்ற முகவரியில்
உள்ள இணைய தளம் செல்லவும்.

நன்றி : http://www.dinamalar.com/Supplementary_detail.asp?id=4254&ncat=4

நம் உடலைப் பற்றி ஆராய்ச்சி செய்ய முப்பரிமானத்தில் கூகிள் கொடுக்கும் புதிய சேவை.

நம் உடலில் உள்ள ஒவ்வொரு உறுப்புகளும் எந்த இடத்தில்
இருக்கிறது இதன் பணி என்ன என்பதை நம் கூகிள் மருத்துவ
நிபுனர்களுடன் சேர்ந்து புதிதாக ஒன்றை ஆரம்பித்துள்ளது, நம்
உடலைப்பற்றிய அனைத்து தகவல்களையும் முப்பரிமானத்தில்
தெரிந்து கொள்ளலாம் இதைப்பற்றித்தான் இந்தப்பதிவு.

திரைப்படத்தில் கிராபிக்ஸ்-ல் மட்டும் தான் மனித உடலை
பார்த்திருக்கிறோம் என்று எண்ணும் நமக்கு கூகிள் முப்பரிமானத்திலே
மனித உடலை காட்டி வியக்க வைக்கிறது. தலை முதல் கால் பாதம்
நம் உடலில் எந்த இடத்தைப்பற்றி தெரிந்து கொள்ள வேண்டுமோ
அதை சொடுக்கினால் போதும் உடனடியாக நாம் தேர்ந்தெடுத்த
பகுதியின் தகவல்களை நமக்கு காட்டுகிறது. ஆய்வகத்தில் சென்று
தான் மனித உடலின் எலும்புக்கூடு -ஐ பார்த்திருக்கிறோம் என்றும்
சொல்லும் நமக்கு கூகிள் இணையம் மூலம் மனித உடலை
முப்பரிமானத்தில் காட்டுவது பிரமிப்பை ஏற்படுத்துகிறது.


இணையதள முகவரி : http://bodybrowser.googlelabs.com/body.html


புகைப்பிடிப்பதால் நம் உடலில் ஏற்படும் பாதிப்பையும் சேர்த்து
காட்டினால் அதனால் ஏற்படும் பாதிப்பை உணர்ந்து பல நபர்கள்
திருந்துவார்கள் என்பது நம் எண்ணம். மருத்துவ துறையில்
இருப்பவர்களுக்கும் மாணவர்களுக்கும் நம் அனைவருக்கும்
இந்தப்பதிவு பயனுள்ளதாக இருக்கும்.

புகைப்படங்களை டிஜிட்டல் மயமாக்க ஒரு தளம்

உங்கள் வசம் உள்ள புகைப்படங்களை டிஜிட்டல் மயமாக்க வேண்டும் என்று எப்போதாவது நீங்கள் நினைத்தது உண்டா? இல்லை என்றால் இப்போது நினைத்து பாருங்கள்.
காரணம் அதற்கான தேவையும் இருக்கிறது. அந்த தேவையை பூர்த்தி செய்யும் அழகான இணைய சேவை ஒன்றும் உதயமாகியிருக்கிறது.
சராசரியாக எல்லோரிடமும் குறைந்தபட்சம் ஒரு புகைப்பட ஆல்பமும், கைநிறைய புகைப்படங்களும் இருக்கவே செய்யும். ஆல்பங்களையும், புகைப்படங்களையும் வீட்டின் பீரோவிலோ அல்லது வரவேற்பறையிலோ பாதுகாப்பாக எடுத்து வைத்திருக்கலாம். ஒரு சில படங்களை பிரேம் செய்து வீட்டு சுவரில் மாட்டி வைத்திருக்கலாம்.
எப்போதாவது எடுத்து பார்ப்பது தவிர, இந்த புகைப்படங்கள் அவை இருக்கும் இடத்திலேயே கிடக்கும். கொஞ்சம் கவனிக்காமல் விட்டால் இந்த புகைப்படங்கள் காலப்போக்கில் பழுதாகிவிடும் வாய்ப்பு உண்டு.
இப்படி புகைப்படங்களின் மூலம் பாதுகாக்கப்படும் அதிக நினைவுகள் பாழாகி விடாமல் இருக்க சிறந்த வழி புகைப்படங்களை டிஜிட்டல் மயமாக்குவதுதான். அதாவது புகைப்படங்களை டிஜிட்டல் வடிவில் மாற்றி சிடியாகவோ அல்லது கம்ப்யூட்டரிலோ சேமித்து வைப்பதுதான். ஆல்பங்களில் ஒட்டப்பட்டிருக்கும் படங்கள் அல்லது தனியே வைக்கப்பட்டிருக்கும் படங்கள் கால மாற்றத்தால் பழுப்படைந்து போகலாம். இவற்றை கை தவறி வைத்து தொலைத்துவிடும் சாத்தியமும் உண்டு.
ஆனால் புகைப்படங்களை டிஜிட்டல் வடிவில் மாற்றி கொள்ளும் போது இத்தகைய அபாயங்கள் கிடையாது. கம்ப்யூட்டரில் அவற்றை பாதுகாப்பாக வைத்திருக்கலாம் என்பதோடு மற்றவர்களோடு சுலபமாகவும் பகிர்ந்து கொள்ளலாம். பிரிண்ட் செய்யப்படும் புகைப்படங்களின் காலம் மறையத் தொடங்கி, டிஜிட்டல் காமிரா, டிஜிட்டல் படங்கள் என எல்லாமே மாறி வரும் காலத்தில் பழைய புகைப்படங்களையும் டிஜிட்டல் வடிவில் மாற்றுவதே சரியாக இருக்கும்.
டிஜிட்டல் வடிவில் மாற்றுவதற்கு என்ன வழி என்று கேட்டால், புகைப்படங்களை ஸ்கேன் செய்வதுதான் என்று சுலபமாக சொல்லி விடலாம்.
ஆனால் படங்களை ஸ்கேன் செய்வதற்கு தனியே ஸ்கேனிங் சாதனம் வாங்க வேண்டுமே. ஸ்கேன் செய்வது எப்படி என்று கற்று கொள்ள வேண்டுமே என்றெல்லாம் நீங்கள் கவலைப்பட வேண்டாம். அந்த பணியையெல்லாம் உங்கள் சார்பாக செய்து புகைப்படங்களை டிஜிட்டல் மயமாக்கி தரும் சேவையை ஸ்கேன் கார்னர் இணையதளம் செய்து தருகிறது.
உங்கள் வசம் உள்ள புகைப்படங்களை இந்த இணைய தளத்தில் குறிப்பிடப்படும் முகவரிக்கு அனுப்பி வைத்தீர்கள் என்றால், அவற்றை அழகாக ஸ்கேன் செய்து டிஜிட்டல் படங்களாக டிவிடியில் சேமித்து உங்கள் முகவரிக்கே அனுப்பி வைக்கின்றனர்.
இந்த டிவிடிக்களை பாதுகாப்பதும் எளிதானது. வீட்டிற்கு வரும் விருந்தாளிகளுக்கு போட்டு காண்பிப்பதும் சுலபமானது. அதுமட்டுமல்லாமல் இவற்றை உங்கள் கம்ப்யூட்டர் அல்லது லேப்டாப்பில் பதிவேற்றி வைத்து கொண்டு உங்களது அபிமான வலைப்பின்னல் தளங்களில் பகிர்ந்து கொள்வதும் சுலபமானது. இந்த சேவைக்காக குறைந்த கட்டணமே வசூலிக்கப்படுகிறது. படங்களை நீங்களே ஸ்கேன் செய்வதை காட்டிலும் இந்த சேவை மிகவும் சுலபமானது. செலவு குறைவானது. முதல் 6 மாத காலத்திற்குள் நீங்கள் டிவிடியை தொலைத்து விட்டீர்கள் என்றால் மாற்று டிவிடியை இந்த தளமே இலவசமாக வழங்குகிறது. எல்லாமே டிஜிட்டல் மயமாகி வரும் யுகத்தில் இந்த சேவை எந்த அளவுக்கு தேவையானது என்பதை எளிதாக புரிந்து கொள்ளலாம்.
உண்மையில் இப்படி ஒரு சேவை அவசியமானது என்பதை தனிப்பட்ட முறையில் உணர்ந்ததால்தான் இந்த இணைய தளத்தை இதன் நிறுவனரான எரிக் துவக்கி இருக்கிறார். சுவிட்சர்லாந்து நாட்டில் வசிக்கும் அவர் தனது பாட்டியின் விடுமுறை கால புகைப்படங்களை ஸ்கேன் செய்து டிஜிட்டல் வடிவில் தரும் சேவை ஏதாவது இருக்கிறதா என தேடிப்பார்த்திருக்கிறார்.
அப்படி ஒரு சேவை எதுவும் இல்லாததால் அவுட் சோர்சிங்கில் புகழ் பெற்ற இந்தியாவில் உள்ள தனது நண்பரை தொடர்பு கொண்டு புகைப்படங்களை டிஜிட்டல் படங்களாக மாற்றித்தர கேட்டிருக்கிறார். அப்போதுதான் இத்தகைய சேவை தேவைப்படும் பலருக்காக ஒரு தளத்தை துவக்கினால் என்ன என்ற எண்ணம் உண்டானது. அதன் பயனாக பிறந்ததுதான் ஸ்கேன் கார்னர். இந்தியா உள்ளிட்ட நாடுகளில் இந்த தளம் செயல்பட்டு வருகிறது.
——–
http://www.scancorner.in/

நன்றி : http://cybersimman.wordpress.com/2011/03/01/photos-6/